ನಾಟಕಾ ಬಂದೈತೆ ಬಾರೇ ಅತ್ತೆವ್ವಾ
ನಾಟಕಾ ಕಂಪೇನಿ ಬಂದೇತೆವ್ವಾ||
ಪುಗಸೆಟ್ಟಿ ಬಂದೈತಿ ಚೀಟಿಲ್ಲ ನೋಟಿಲ್ಲ
ಕಟ್ಟವ್ವಾ ಜಡಿಮಾಲಿ ಬಾರೇಯವ್ವಾ
ಪೀತಾಂಬ್ರ ತಾರವ್ವ ತೊಡಿಗಚ್ಚಿ ಹಾಕವ್ವ
ಗೆಜ್ಜೀಯ ಕಟ್ಟವ್ವ ಬಾರೇಯವ್ವಾ
ಪಾಸಿಲ್ಲ ಪಾಟಿಲ್ಲ ಕಟ್ಟಿಲ್ಲ ಮೆಟ್ಟಿಲ್ಲ
ಅಂಕಿಲ್ಲ ಸುಂಕಿಲ್ಲ ಬಾರೇನವ್ವಾ
ವಂಕಿಲ್ಲ ಸರಗಿಲ್ಲ ತುರುಬೀಗಿ ಗಿಣಿಯಿಲ್ಲ
ಕುಣೀಯವ್ವ ಕುಣಿಸವ್ವ ಬಾರೇನವ್ವಾ
ಆರಂಭ ಗಣಪಿಲ್ಲ ಮಾರಂಭಿ ಠೊಣಪಿಲ್ಲ
ಎದ್ದಾಂಗ ಇದ್ದಾಂಗ ಬಂದೇತೆವ್ವಾ
ಕುಡದಂಗ ಕುಣೀತವ್ವಾ ಹಿಡಿದಂಗ ಹಿಡಿತವ್ವಾ
ಹುಡಗಾರು ಕ್ಯಾಕೀಯ ಹಾಕ್ಯಾರವ್ವಾ
ಆಡ್ದಂಗ ಆಟವ್ವಾ ನೋಡ್ದಂಗ ನೋಟವ್ವಾ
ಓಡ್ದಂಗ ಓಟವ್ವಾ ಬಾರೇನವ್ವಾ
ಮಾಡ್ದಂಗ ಮಾಟವ್ವಾ ಕೂಡ್ದಂಗ ಕೂಟವ್ವಾ
ಬೇಡ್ದಂಗ ಬೇಟವ್ವಾ ಬಾರೇನವ್ವಾ
